ҚР Үкіметінің отырысы, 06.06.2023

6 маусымда Үкімет үйінде Қазақстан Үкіметінің отырысы өтті.

— ҚР Премьер-Министрі Әлихан Смайыловтың төрағалығымен өткен Үкімет отырысында көктемгі егіс жұмыстарының алдын ала қорытындылары қаралды. Аталған тақырып бойынша ауыл шаруашылығы министрі Ербол Қарашөкеев, энергетика министрі Алмасадам Сәтқалиев, Қостанай облысының әкімі Құмар Ақсақалов, Солтүстік Қазақстан облысының әкімі Айдарбек Сапаров және Ақмола облысының әкімі Ермек Маржықпаев баяндама жасады.

— Премьер-Министр дихандардың мәлімделген бидай көлемін «Азық-түлік корпорациясына» уақтылы жеткізу туралы міндеттемелерінің орындалуын қамтамасыз етуді және жыл соңына дейін алқаптарды цифрландыру бойынша қажетті шараларды қабылдауды тапсырды.

— Екінші кезекте жазғы уақытта су қоймаларындағы қауіпсіздікті қамтамасыз ету шаралары қаралды. Оның Қазақстанда қалай қамтамасыз етіліп жатқаны туралы төтенше жағдайлар министрі Юрий Ильин, ішкі істер министрі Марат Ахметжанов, оқу-ағарту министрі Ғани Бейсембаев, индустрия және инфрақұрылымдық даму министрі Марат Қарабаев және кейбір өңірлердің әкімдері баяндама жасады. 

— Әлихан Смайылов суға шомылуға арналған қауіпсіз орындарды белгілеу жөніндегі жұмысты күшейту, сондай-ақ қауіпсіздік шаралары туралы халықты белсенді түрде хабардар етуді тапсырды. Ол сонымен қатар профилактикалық жұмыстар негізінен қалалар мен аудандарда ғана жүргізілетінін айтып өтті. Ауылдық жерлерде бұған көңіл бөлінбейді.