28 Мамыр 2023, 10:50
2023 жылғы 22-28 мамыр аралығындағы аптаның айшықты оқиғалары
Бейсенбі, 25 мамырда, Үкімет отырысы өтті. Бірінші мәселе бойынша Абай облысы Бородулиха ауданындағы қазіргі ахуал талқыланды. Ірі табиғи өртті жою туралы облыс әкімі Н. Ұранхаев пен төтенше жағдайлар бірінші вице-министр генерал-майор И. Күлшімбаев баяндады. Екінші мәселе ретінде жазғы каникул кезінде балалардың бос уақытын ұйымдастыру және оларды сауықтыру шаралары талқылады.
22 мамырда Астанада Сингапур Президенті Халима Якобтың қатысуымен Қазақстан-Сингапур бизнес-форумы өтті. Шараға екі елдің мемлекеттік органдары мен іскер топтарынан 200-ден астам өкіл қатысты. Қорытындысы бойынша сауда, инвестициялар, логистика және мемлекеттік қызметшілерді оқыту салаларында бірқатар құжатқа қол қойылды.
23 мамырда Әлихан Смайылов Дохадағы үшінші Қатар экономикалық форумына қатысты, оның аясында Үкімет басшысы Қатар Әмірімен және Премьер-Министрімен, сондай-ақ Power International Holding төрағасымен кездесті.
Сонымен қатар осы аптада орта бизнес өкілдерімен бірқатар кездесу өтті. Осы жұмада Ә. Смайылов Ақмола, Қостанай, Павлодар және Солтүстік Қазақстан облыстарының кәсіпкерлерін қабылдады.
Ал сенбі, 27 мамырда, Цифлық үкімет кеңсесінде инвестициялық штаб отырысы өтті, онда негізгі капиталға және тікелей шетелдік инвестицияларды тарту қарқыны қаралды.
Қазақстанның Премьер-Министрі мен Үкіметі жаңалықтарынан хабардар болыңыз — ресми Telegram-каналға жазылыңыз
Жазылу