Қазақстан Республикасының Премьер-Министрі

Қосымшаны Android-қа жүктеп алу

Б. Сағынтаев Инвесторларды тарту мәселелері жөніндегі Үкіметтік кеңестің отырысын өткізді

20 қыркүйек 2018, 12:56
Астана
Фото: primeminister.kz

Бүгін Үкімет үйінде ҚР Премьер-Министрі Бақытжан Сағынтаевтың төрағалығымен Инвесторларды тарту мәселелері жөніндегі Үкіметтік кеңестің отырысы өтті, онда Ұлттық инвестициялық стратегияны іске асыру мәселелері қаралды.

Отырыс барысында Ұлттық инвестициялық стратегияны іске асыру және еліміздегі инвестициялық ахуалды одан әрі жақсарту мәселелері қаралды. Атап айтқанда, Инвестициялар және даму министрлігінің инвестициялар саласындағы үш тілді нормаларды шығару қызметіне көшуге, инвесторларды мемлекеттік қолдаудың қолданыстағы шараларын жетілдіру мен оңтайландыруға, инвестициялық омбудсмен қызметінің тиімділігіне кешенді зерттеу жүргізуге, Қазақстанда инвесторлардың құқықтарын қорғаудың институционалдық тетіктері мен саясатын іске асыруға қатысты тәсілдері, сондай-ақ, инвесторлардың құқықтарын қорғауды жетілдіру мен халықаралық сауда-саттық жағдайларын жақсарту мен логистикалық инфрақұрылымды жаңғырту жөніндегі ұсыныстар қаралды.  

Шараға орталық мемлекеттік органдардың өкілдері, сонымен қатар, бейнеконференция байланысы режимінде бірқатар өңірлер мен республикалық маңыздағы қалалардың әкімдері қатысты.

ҚР Премьер-Министрі Бақытжан Сағынтаев кеңес қорытындысы бойынша өңірлер әкімдерінің тарапынан инвестициялық жобалар бойынша айтылған ұсыныстарды пысықтауды тапсырды.

Бақылау жұмыстары ҚР Премьер-Министрінің бірінші орынбасары А. Маминге жүктелді.


Қазақстан Премьер-Министрі мен Үкіметі жаңалықтарынан хабардар болыңыз — ресми Telegram-арнаға жазылыңыз