Қазақстан Республикасының Премьер-Министрі

Қосымшаны Android-қа жүктеп алу

ҚР Президенті Қ. Тоқаев Қордайда автобус апатынан 11 адамның қаза табуына байланысты көңіл айтты

20 сәуір 2019, 13:40
Фото: primeminister.kz

Бұл туралы Мемлекет басшысы Қасым-Жомарт Тоқаев өзінің твиттердегі аккаунтында хабарлады.

«Қордай тас жолында ірі жол апаты болды, Өзбекстан азаматтары, 11 адам қаза тапты, жарақат алғандар көп. Туған-туыстарына қайғырып көңіл айтамын. Өзбекстан Республикасының Президентіне жеделхат жолдадым. Біздің жолдарымыздағы жағдай нашар, бұл туралы мен ІІМ кеңесінде айттым. Үкіметке шұғыл шаралар қабылдауды тапсырдым!», — делінген хабарлама мәтінінде.   

Еске салайық, 20 сәуір күні сағат шамамен 05:00-де Жамбыл облысы Қордай ауданында Алматы — Ташкент тас жолының 181 шақырымында Toyota Camry маркалы көлік сол бағытта келе жатқан жүк көлігімен соқтығысқан. Соңынан келе жатқан жолаушылар автобусы аталған автокөліктермен соқтығысып қалмау үшін жолдан ауып кеткен. Жол-көлік оқиғасы салдарынан оқиға орнында 11 адам қаза тауып, 30 адам зардап шекті.


Қазақстан Премьер-Министрі мен Үкіметі жаңалықтарынан хабардар болыңыз — ресми Telegram-арнаға жазылыңыз