Emblem
Қазақстан Республикасы
Премьер-Министрінің
ресми ақпараттық ресурсы
Menu
Emblem
Close button

«Дені сау ұлт». Қазақстанның Денсаулық сақтау министрлігінің ұлттық жобасы қандай бағыттарды іске асыруды қамтиды

Жұма, 15 Қазан 2021, 18:30:16

Денсаулық сақтау министрі Алексей Цой ҚР Президенті жанындағы Орталық коммуникациялар қызметінде өткен брифингте жұртшылық пен БАҚ-ты халықты коронавирус инфекциясына қарсы вакциналау және қайта вакциналау туралы хабардар етті, сондай-ақ «Дені сау ұлт» ұлттық жобасының негізгі бағыттары туралы айтып берді. 

Алексей Цой өз сөзінің басында Денсаулық сақтау министрлігі Дүниежүзілік денсаулық сақтау ұйымы тіркеген вакциналарды сатып алу бойынша тұрақты жұмыс жүргізіп жатқанын атап өтті. Ал:

  • CoronaVac, Sinovac өндірген, Қытай;
  • VeroCell, Sinopharm өндірген, Қытай.

«Сонымен қатар, Pfizer-BioNTech вакциналарын жеткізу жоспарлануда. Компаниямен келісімшартқа қол қойылды, вакцина жеткізіледі деп күтілуде», — деді денсаулық сақтау министрі.

Сонымен қатар, оның айтуынша, профилактикалық егулердің ұлттық күнтізбесіне сәйкес халықты вакцинамен басқарылатын аурулардан иммундау бойынша жоспарлы жұмыс жалғасуда. Министрлік ҚР халықты иммундау жөніндегі консультативтік комиссиямен бірлесіп халықты қайта вакциналау тәсілдерін әзірледі. Осылайша, халықаралық тәжірибені ескере отырып, КВИ-ға қарсы вакциналаудың толық курсын аяқтағаннан кейін 6-9 айдан кейін қосымша дозаны енгізу ұсынылады, бұл ретте:

  • векторлық вакциналармен вакцина алған тұлғалар үшін – әсерсіздендірілген немесе м-РНҚ вакцинасымен 9 айдан кейін ревакциналау;
  • әсерсіздендірілген вакциналармен вакциналанған адамдар үшін – векторлық немесе м-РНҚ вакцинасымен 6 айдан кейін ревакциналау;
  • М-РНК-вакцинамен вакцина алған адамдар үшін – 6 айдан кейін әсерсіздендірілген немесе векторлық вакцинамен ревакциналау.

«Мемлекет басшысының Жолдауда айтылған санитарлық-эпидемиологиялық қызметті нығайту және отандық дәрі-дәрмек өндірісін дамыту жөніндегі тапсырмалары «Дені сау ұлт» әрбір азамат үшін сапалы әрі қолжетімді денсаулық сақтау» ұлттық жобасында көрініс тапқанын атап өту қажет», — деді А. Цой.  

Ұлттық жобада еліміздің стратегиялық құжаттары ескеріледі:

  • жалпыұлттық басымдықтар; 
  • Қазақстан Республикасының 2025 жылға дейінгі ұлттық даму жоспары; 
  • Nur Otan партиясының «Өзгерістер жолы: әркімге лайықты өмір!» сайлауалды бағдарламасы. 

Ұлттық жоба ҚР Денсаулық сақтауды дамытудың мемлекеттік бағдарламасының құқықтық мирасқоры болып табылады және 2025 жылға дейін нақты, қол жеткізуге болатын міндеттерді қамтиды. Сонымен қатар, министрлік саланың ұзақ мерзімді перспективалары мен операциялық қызметін көрсететін денсаулық сақтауды дамыту тұжырымдамасын әзірлеуде.

Жалпыұлттық жоба мыналарды қамтитын 4 бағыттан тұрады:

  • бірінші бағыт медициналық көмектің қолжетімділігі мен сапасының артуымен байланысты;
  • екінші бағыт эпидемиологиялық болжау мен ден қоюдың заманауи жүйесін қалыптастыруға арналған;
  • үшінші бағыт отандық фармацевтика саласының дамуына ықпал ететін болады;
  • төртінші бағыт салауатты өмір салтын ұстанатын халықтың үлесін арттыруға және бұқаралық спортты дамытуға бағытталған.

Әр бағыт бойынша міндеттер мен нәтижелер көрсеткіштері белгіленген. 

«Ұлттық жобаны» әзірлеу кезінде біз көптеген адамдардың, атап айтқанда медициналық қоғамдастықтың, кәсіпкерлердің, азаматтық қоғамның, денсаулық сақтау жүйесінің ардагерлер кеңесінің және басқалардың пікірін ескердік», — деді Алексей Цой.

Ұлттық жобаның бірінші бағытын іске асыру халықтың медициналық қызмет сапасына қанағаттануын 80%-ға дейін арттыруға мүмкіндік береді; ауылдық елді мекендер, оның ішінде тірек және серіктес ауылдар медициналық-санитариялық алғашқы көмек ұйымдарымен 100%-ға қамтамасыз етіледі; кемінде 40 денсаулық сақтау объектісін және 2 ғылыми орталықты жаңғырту; ТМККК және МӘМС жүйесі шеңберінде медициналық көмектің жалпы көлемінде амбулаториялық деңгейде медициналық көмек көлемін кеңейту мүмкін болады.

Жүкті әйелдер мен балалардың денсаулығын сақтау мақсатында:

  • біріншіден, жүкті әйелдерді жеке және аралық босанғанға дейінгі бақылаумен қамту;
  • екіншіден, 1 жасқа дейінгі балаларды проактивті бақылаумен және скринингтермен қамтамасыз ету;
  • үшіншіден, 8 балаларды оңалту орталығын және 2 ерте анықтау орталығын қосымша ашу жоспарлануда, бұл мүмкіндігі шектеулі балаларды медициналық оңалтумен қамтуды 3 есеге ұлғайтуға мүмкіндік береді. 

Денсаулық сақтау министрі атап өткендей, халыққа сапалы қызмет көрсету көбінесе біліктілікке және қажетті мамандардың болуына байланысты, сондықтан ұлттық жобаның бірінші бағыты аясында аса тапшы мамандықтар бойынша резидентураның білім беру гранттарының саны 3800-ге дейін, сондай-ақ әлемнің жетекші орталықтарында қарқынды терапияның халықаралық стандарттары бойынша оқытылған дәрігерлердің саны ұлғайтылатын болады. Пандемия Мемлекет басшысының 2021 жылғы 1 қыркүйектегі Қазақстан халқына Жолдауын іске асыру аясында санитарлық-эпидемиологиялық қызметті жаңғырту қажеттілігін көрсетті. Ұлттық жобаның екінші бағыты шеңберінде биоқауіпсіздік және сәйкестікті бағалау саласындағы халықаралық стандарттарға сәйкес келетін санитариялық-эпидемиологиялық сараптама зертханаларының үлесін 61%-дан 90%-ға дейін ұлғайту, ҚР Парламент Мәжілісіне енгізілген «Биологиялық қауіпсіздік туралы» ҚР Заңын қабылдау, сондай-ақ ұлттық және жаһандық тәуекелдерге болжамдау мен ден қоюдың ғылыми негізделген жүйесін енгізу жоспарлануда.

Үшінші бағытта Мемлекет басшысының биылғы 1 қыркүйектегі Жолдауында айтылған тапсырмалары ескерілді, олар мүмкіндік береді: 

  • жергілікті фармацевтикалық нарықта ДЗ және отандық өндірістің медициналық бұйымдарының үлесін 50%-ға дейін арттыруға; 
  • ТМККК және МӘМС шеңберінде бірыңғай дистрибуция жүйесі арқылы жергілікті қамтуы бар ДЗ және МБ атып алу үлесін 50%-ға дейін арттыруға; 
  • халықаралық стандарттарға сәйкестікке аккредиттелген зертханалардың/орталықтардың үлесін арттыруға; 
  • ДЗ және МБ шығару бойынша кемінде 30 жаңа өндірісті іске қосуға; 
  • ұлттық реттеушіні ДДСҰ бенчмаркингінің кемелденуінің 3-ші деңгейіне дейін жеткізуге мүмкіндік береді. 

Төртінші бағытты іске асыру мүмкіндік береді: 

  • халық арасында темекі шегудің таралуын 19%-ға дейін төмендетуге; 
  • салауатты өмір салтын ұстанатын азаматтардың үлесін 45%-ға дейін ұлғайтуға;
  • дене шынықтырумен және спортпен айналысатын азаматтардың санын 50%-ға дейін арттыруға; 
  • халықтың спорттық инфрақұрылыммен қамтамасыз етілуін 1 000 адамға 53%-ға дейін арттыруға; 
  • дене шынықтырумен және спортпен жүйелі түрде шұғылданатын ерекше қажеттіліктері бар халықтың үлесін 14%-ға дейін ұлғайтуға. 

Ұлттық жобаны іске асыру нәтижесінде келесі әлеуметтік тиімділіктерге қол жеткізу жоспарлануда:

  • біріншіден, азаматтардың өмір сүру ұзақтығын 75 жасқа дейін арттыру арқылы адамның өмір сүру сапасын жақсарту және белсенді ұзақ өмір сүруге қол жеткізуге; 
  • екіншіден, халықтың медициналық қызмет сапасына қанағаттану деңгейін 80%-ға дейін арттыруға; 
  • үшіншіден, экономикалық аспектіде денсаулық сақтау саласына жеке инвестицияларды 783 млрд теңгеге дейін ұлғайтуға.

«Бұл 13 мыңға жуық жаңа жұмыс орындарын құруға және отандық фармацевтикалық өнімнің үлесін 50%-ға дейін жеткізуге мүмкіндік береді», — деді Алексей Цой.

Осылайша, ұлттық жобаны іске асыру медициналық көмектің қолжетімділігін арттыруға, жүкті әйелдердің денсаулығын сақтауға және балалардың денсаулығын нығайтуға, мүмкіндіктері шектеулі балаларды оңалтумен қамтуға, кадр әлеуетін нығайтуға ықпал ететін болады. Сондай-ақ, ұлттық жоба эпидемиологиялық қызметті жетілдіру, отандық фармацевтикалық өнеркәсіпті дамыту және салауатты өмір салтын ынталандыру жөніндегі шараларды іске асыруға бағытталған.

Сонымен қатар, денсаулық сақтау министрі коронавирусқа қарсы вакциналаудың қазақстандық паспортын қай елдер танығанын айтты.

«Әр ел коронавирусқа қарсы вакциналау паспорттарын өзара тануға қойылатын өз талаптары мен тәсілдерін әзірлеуде. Біз осы бағытта жұмыс істеп жатырмыз», — деді А. Цой.

Сонымен қатар, ол осы уақытқа дейін Қазақстан бірқатар мемлекеттермен вакциналау паспорттарын өзара мойындағанын хабарлады. Олардың қатарында Грузия, Венгрия, Қырғызстан, Моңғолия, Үндістан, Молдова, Таиланд, Түркия, Беларусь, Филиппин, сондай-ақ Вьетнам, Египет және Оман бар.

«Қазір әр мемлекетпен кезең-кезеңмен жұмыс жүргізілуде. Өздеріңіз көріп отырсыздар, әр жолы көбірек мемлекеттер біздің елдің вакциналау паспорттарын мойындап жатыр. Бұл жұмыс жалғасуда», — деді Денсаулық сақтау министрі.

Министр сондай-ақ, Қазақстан ішінде шығарылатын вакциналар тегін вакциналар болып қала беретінін айтты.

«Біз Қазақстанда басқа елдерге қарамастан, клиникалық тиімділігі дәлелденген өз вакцинамызды шығара аламыз деп болжап отырмыз, біз бұл вакцинаны тегін кепілдендірілген көлем аясында өзімізде сатып алатын боламыз», — деді А. Цой.

Бұл ретте қалған вакциналар, сондай-ақ бүгінгі күні қалған екпелер – тұмау бойынша тәрізді, коммерциялық айналымға, яғни нарыққа жіберіледі.

«Біз қазір компанияларды осы вакциналарды Қазақстан нарығына жеткізіп, өз қызметтерін ұсыну үшін үгіттеп жатырмыз», — деді денсаулық сақтау министрі.

Денсаулық сақтау вице-министрі, Қазақстанның Бас мемлекеттік санитарлық дәрігері Ерлан Қиясов вакциналаудан кейін 21 813 адам ауырғанын хабарлады. Оның ішінде вакцина алғаннан кейін ауырғандардың ең көп саны: «Спутник V» - 18 мың, QazCovid-In алған соң 436 адам, Sinopharm алғаннан кейін 2 173 адам, CoronaVac алғаннан кейін 603 адам ауырып қалған.

Е. Қиясовтың айтуынша, Pfizer вакцинасын алғаннан кейін ауырғандар туралы мәліметтер де бар. Осы вакцинаны алғаннан кейін 17 адам коронавируспен ауырды, олар бас мемлекеттік дәрігердің айтуынша, шетелде Pfizer алған.

Өз кезегінде ҚР денсаулық сақтау вице-министрі Ажар Ғиният COVID-19-дан 12 аптадан астам уақыт өткеннен кейін адамдар жүрек-тамыр, жүйке және эндокриндік жүйе тарапынан асқынуларға шағымданады деп хабарлады.

«Дәрігерлер жүрек-қан тамырлары жүйесінің асқынулары орын алғанын байқап отыр – бұл миокардит, жүрек ырғағының бұзылуы, перикардит. Эндокриндік жүйенің бұзылуы, қант диабеті дамиды, қалқанша без жұмысының бұзылуы байқалады. Жүйке жүйесінің бұзылыстары байқалады – бұл біз айтып отырған когнитивті бұзылулар: апатия, ұзақ уақытқа созылған әлсіздік, ұйқының бұзылуы», —  деп қосты ол.

Мұндай науқастар үшін елде постковидті синдромды немесе коронавирус ауруының ұзақ ағымын емдеудің клиникалық хаттамасы жасалды. Бұл бұзылуларды пульмонологтар, кардиологтар және неврологтар кіретін дәрігерлердің көп салалы тобы емдейді. 

«Бүгінде дәрігерлердің мұндай хаттамасы бар және емдеу басталды», — деді А. Ғиният.


Қазақстанның Премьер-Министрі мен Үкіметі жаңалықтарынан хабардар болыңыз — ресми Telegram-ботқа жазылыңыз


Жаңалықтар тізбегі
08 Желтоқсан 2021, 16:26
Қазақстан Қырғызстанға 1 мың автобус экспорттайды
08 Желтоқсан 2021, 11:06
9 желтоқсан күні Үкімет үйінде Қазақстан Үкіметінің отырысы өтеді
08 Желтоқсан 2021, 10:12
Мемлекет басшысы Премьер-Министр Асқар Маминді қабылдады
08 Желтоқсан 2021, 08:40
А. Мамин Қырғызстан Үкіметінің басшысы А. Жапаровпен келіссөз жүргізді
07 Желтоқсан 2021, 19:40
Мемлекет басшысы Реформалар жөніндегі жоғары кеңестің отырысын өткізді
07 Желтоқсан 2021, 12:55
Қасым-Жомарт Тоқаев «Алтын сапа» және «Парыз» сыйлықтарының иегерлерін марапаттау рәсіміне қатысты
06 Желтоқсан 2021, 12:13
Асқар Жақыпбаев ҚР АШМ Ветеринариялық бақылау және қадағалау комитетінің төрағасы болып тағайындалды
05 Желтоқсан 2021, 09:26
Видеодайджест: «Аптаның айшықты оқиғалары» №140
04 Желтоқсан 2021, 12:59
ҚР Премьер-Министрі Асқар Мамин шетелдік инвесторлармен кездесу өткізді
04 Желтоқсан 2021, 11:42
Қазақстанда бесінші апта қатарынан әлеуметтік маңызы бар азық-түлік өнімдері бағасының нөлдік өсімі тіркелді
03 Желтоқсан 2021, 16:54
Қазақстан СОР26 аясындағы міндеттемелерін уақытылы орындайды — А. Мамин 
03 Желтоқсан 2021, 11:34
Ә. Смайылов екінші Еуразиялық конгреске қатысты
03 Желтоқсан 2021, 08:47
ВАК отырысы: Е. Тоғжанов коронавирустың жаңа штаммының таралуына байланысты бірқатар тапсырма берді
01 Желтоқсан 2021, 16:55
«EXPO 2020 Dubai» көрмесінде Қазақстанның мемлекеттік туы көтерілді
01 Желтоқсан 2021, 16:32
ҚР Премьер-Министрі Асқар Мамин қазақстандықтарды Тұңғыш Президент күнімен құттықтады
30 Қараша 2021, 15:56
Қазақстан Республикасы Үкіметінің 2021 жылғы 25 қарашадағы №842 Қаулысы
30 Қараша 2021, 15:52
Қазақстан Республикасы Үкіметінің 2021 жылғы 25 қарашадағы №841 Қаулысы
30 Қараша 2021, 15:46
Қазақстан Республикасы Үкіметінің 2021 жылғы 24 қарашадағы №839 Қаулысы
30 Қараша 2021, 15:42
Қазақстан Республикасы Үкіметінің 2021 жылғы 24 қарашадағы №835 Қаулысы
30 Қараша 2021, 13:02
ҚР Үкіметінің отырысы,30.11.2021
30 Қараша 2021, 12:26
Қазақстанда 12,7 мың жаңа тұрақты жұмыс орнын құрумен 139 жобаны іске қосу жоспарлануда — Б. Атамқұлов
30 Қараша 2021, 10:38
Қазақстанда «Омикрон» КВИ штаммының жаңа нұсқасының пайда болуына байланысты бірқатар шектеулер енгізіледі
30 Қараша 2021, 10:21
2021 жылдың 10 айында ҚР өңдеу өнеркәсібіне салынған инвестициялар 78,6%-ға 1,2 трлн теңгеге дейін өсті 
30 Қараша 2021, 09:37
8 млн-нан астам қазақстандық коронавирусқа қарсы вакцинаны толық алды 
29 Қараша 2021, 14:47
30 қараша күні Үкімет үйінде Қазақстан Үкіметінің отырысы өтеді
29 Қараша 2021, 11:24
А. Мамин Ашхабадта Экономикалық ынтымақтастық ұйымының саммитіне қатысты  
29 Қараша 2021, 10:15
Қазақстан Республикасы Үкіметінің 2021 жылғы 24 қарашадағы №834 Қаулысы
28 Қараша 2021, 19:13
Видеодайджест: «Аптаның айшықты оқиғалары» №139
27 Қараша 2021, 19:32
А. Мамин жұмыс сапарымен Маңғыстау облысына барды
27 Қараша 2021, 11:24
Қазақстанда төртінші апта қатарынан әлеуметтік маңызы бар азық-түлік өнімдері бағасының нөлдік өсімі тіркелді
26 Қараша 2021, 19:05
Ә. Смайылов Қазақстан-Қытай ынтымақтастық комитетінің 10-шы отырысына қатысты
26 Қараша 2021, 15:09
Түркістанда ҚР мен ӨР аймақаралық ынтымақтастығының III форумы өтті
25 Қараша 2021, 18:32
ҚР Премьер-Министрі А. Мамин ШЫҰ-ға мүше мемлекеттердің Үкімет басшылары кеңесінің 20-отырысын өткізді
25 Қараша 2021, 12:42
Қазақстан Республикасы Үкіметінің 2021 жылғы 22 қарашадағы №827 Қаулысы
25 Қараша 2021, 12:38
Қазақстан Республикасы Үкіметінің 2021 жылғы 23 қарашадағы №831 Қаулысы
23 Қараша 2021, 19:49
Мемлекет басшысы Премьер-Министр Асқар Маминді қабылдады
23 Қараша 2021, 12:13
ҚР Үкіметінің отырысы, 23.11.2021
23 Қараша 2021, 11:59
Ішкі нарықты жаңа тауарлармен толықтыру мақсатында офтейк-келісімшарттар пайдаланылады — Б. Атамқұлов
23 Қараша 2021, 11:56
Қазақстанда 2021 жылдың жарты жылында тұтынушы құқығының бұзылуы туралы 26 мыңнан астам азаматтың өтініші қаралды
23 Қараша 2021, 10:18
Pfizer вакцинасын 35 мыңнан астам қазақстандық алды — А. Цой
23 Қараша 2021, 10:11
Қазақстанда тұтынушылардың құқығын қорғау жөніндегі омбудсмен институты енгізіледі
23 Қараша 2021, 10:01
2021 жылдың 9 айында реттелетін сатып алудағы жергілікті қамту үлесі 6,4%-ға өсті
23 Қараша 2021, 09:30
Қазақстанда тұмауға қарсы вакциналау 99%-дан асты
22 Қараша 2021, 15:05
23 қараша күні Үкімет үйінде Қазақстан Үкіметінің отырысы өтеді
22 Қараша 2021, 13:16
Қазақстан Республикасы Үкіметінің 2021 жылғы 28 қазандағы №774 Қаулысы
22 Қараша 2021, 13:05
Қазақстан Республикасы Үкіметінің 2021 жылғы 12 қарашадағы №809 Қаулысы
22 Қараша 2021, 11:31
Қазақстан Республикасы Үкіметінің 2021 жылғы 9 қарашадағы №797 Қаулысы
22 Қараша 2021, 10:41
Қазақстан Республикасы Үкіметінің 2021 жылғы 10 қарашадағы №804 Қаулысы
22 Қараша 2021, 10:10
Қазақстан Республикасы Үкіметінің 2021 жылғы 17 қарашадағы №820 Қаулысы
21 Қараша 2021, 12:50
Видеодайджест: «Аптаның айшықты оқиғалары» №138
Депутаттық сауал
© 2019 - 2021 Қазақстан Республикасы Премьер-Министрінің Баспасөз Қызметі.
SoftDeCo компаниясының жобасы.