Emblem
Қазақстан Республикасы
Премьер-Министрінің
ресми ақпараттық ресурсы
Menu
Emblem
Close button

Түркістанда күн электр станциясы салынады — Қ. Өскенбаев

Сейсенбі, 03 Қараша 2020, 15:09:25

ҚР Премьер-Министрі Асқар Маминнің төрағалығымен өткен Үкімет отырысы барысында Түркістан қаласының Бас жоспарының жобасы қаралды. Жобаның негізгі бағыттары бойынша Түркістан облысының әкімі Өмірзақ Шөкеев пен ҚР индустрия және инфрақұрылымдық даму бірінші вице-министрі Қайырбек Өскенбаев баяндама жасады.

Түркістан қаласының Бас жоспарының жобасы «Түркістан қаласын түркі әлемінің мәдени-рухани орталығы ретінде дамыту жөніндегі бас жоспардың Тұжырымдамасы туралы» ҚР Тұңғыш Президенті – Елбасының Жарлығын іске асыру негізінде әзірленді.

Өз баяндамасында Ө. Шөкеев  қаланың бастапқы аумағы 19 627 га-дан қала шекарасына өзгерістер енгізу арқылы 22 370 га дейін ұлғаятынын айтты. 

Әкімнің айтуынша, Бас жоспар жобасында келесі жобалық кезеңдер қабылданған:

  • бастапқы жыл – 2018 жыл
  • бірінші кезең – 2025 жылға дейін
  • есептік мерзім – 2035 жыл.

Қала халқының саны 2018 жылы 165 мың адамды құраса, бүгінгі таңға 176,2 мың адамды құрайды.

Бас жоспарға сәйкес қала халқының саны 2025 жылға дейін 250 мың адамға дейін, 2035 жылға дейін 350 мың адамға дейін өсіп, 2050 жылы 500 мың адамға жететіні болжанған. 

Қаланың жобасы негізінен келесі функционалдық аумақтарға бөлінеді: 

  • әкімшілік-іскерлік орталық; 
  • рухани-мәдени орталық; 
  • қалыптасқан тұрғын аудандар;
  • жаңа құрылыс аудандары мен алаңдары;
  • өндірістік аймақтар;
  • табиғи-рекреациялық аумақтар.

  

Әкімшілік-іскерлік орталық

Бас жоспар бойынша қаланың шығыс бағытында жаңа әкімшілік-іскерлік орталық орналасады. Ол 1450 га аумақты қамтиды. Бұл аумақта тұрғындарға арнап білім беру, денсаулық сақтау, мәдени және спорт нысандары, халыққа қызмет көрсету орталықтары, тұрғын үй кешендері, әкімшілік ғимараттар кешені, бизнес орталықтары, компаниялардың кеңселері, банктер және т.б. нысандарды орналастыру көзделген.

Әкімнің айтуынша, бүгінгі таңда, әкімшілік-іскерлік орталығында  жоспарланған 14 нысан толық аяқталып, қала келбетін сәулеттік дизайнмен толықтырды. 

2019 жылдың басына қаланың тұрғын үй қоры 3,8 млн ш.м. құрады, оның басым бөлігі бір қабатты үй-жай түріндегі тұрғын үйлер болды. 2025 жылы тұрғын үй қоры 6,1 млн шаршы метрге  дейін жетеді. 2035 жылы бұл көрсеткішті 9,8 млн шаршы метрге дейін жеткізу жоспарланған.

 

Рухани-мәдени орталық

Түркістан қаласының рухани-мәдени орталығының жалпы аумағы 290 га құрайды. Бұл аумақта Әзірет Сұлтан қорық мұражайы (88 га), Керуен сарай (22 га), Тұңғыш Президент саябағы (38 га) тәрізді ірі жобалардың құрылысы жүргізіліп жатыр. Жеке салымшылар тарапынан 3 бес жұлдызды қонақ үй салынады. 

«Бүгінгі таңда рухани-мәдени орталықтағы Бас жоспарда жобаланған 10 нысанның 6-уы толық аяқталды, қалған нысандар осы жылдың аяғына дейін пайдалануға беріледі», - деді Ө. Шөкеев.

Жобада қаланы жасыл желектендіру мәселесіне ерекше көңіл бөлінген. Қазіргі таңда қалада жалпы пайдалану аумағындағы көгалдандыру 187 га құрайды. Есептік мерзімге дейін бұл көрсеткіш 1539 га немесе бір адамға шаққанда 44 м2 жасыл желекті құрайды, бұл нормадан анағұрлым жоғары.   

Қаланың ауа райын ескере отырып, Тұжырымдамаға сәйкес, қала сыртында көгалдандырудың үздіксіз жүйесін және Сырдария өзенінің табиғи өсімдіктер дүниесімен қосылуын қамтамасыз ететін жасыл белдеуді қалыптастыру көзделген. 

Көгалдандырудың жалпы ауданын есептік мерзімге қарай 12 973 га дейін жеткізу көзделген.

Бұдан басқа, қала тұрғындарының өмір сүру деңгейі мен сапасын жақсарту мақсатында қажетті инженерлік инфрақұрылым жүйелері мен талапқа сай әлеуметтік нысандар бой көтеретін болады.

Жобаға сәйкес 2025 жылға дейін қалада барлығы 17,2 мың оқушыға арналған 15 мектеп және 44 мектепке дейінгі мекеме жұмыс істейтін болады.

Сонымен қатар 10 денсаулық сақтау объектісі, оның ішінде аусымына 900 келушіге арналған 3 емхана қарастырылған.

2035 жылға дейін барлығы 40 мың оқушыға арналған 28 мектеп және 15 мың орынға арналған 53 мектепке дейінгі мекеме, сондай-ақ аусымына 3600 келушіге арналған 9 амбулаториялық-емханалық кешен объектісі жоспарланған.

Отырыста баяндама жасаған ҚР индустрия және инфрақұрылымдық даму вице-министрі Қайырбек Өскенбаев Үкіметтің қарауына ұсынылған Түркістан қаласының Бас жоспарының жобасы қаланың түркі әлемінің мәдени-рухани орталығы ретінде дамуын ескере отырып, жоспарлы құрылысын көліктік және инженерлік коммуникациялар жүйесімен, туризм инфрақұрылымымен қамтамасыз етуді көздейтінін жеткізді. 

«Жобада халық санының және туристер ағынының артатынын ескере отырып, 2035 жылға дейінгі қаланың тұрмыс-тіршілігін қамтамасыз етудің барлық негізгі параметрлері айқындалған», — деді Қ. Өскенбаев.

Вице-министрдің айтуынша, көлік ағынын қайта бөлу және бос аумақтарды игеру мақсатында  көше-жол желісі қайта салынады. Тозған бір қабатты тұрғын үйлерді ішінара бұзып, тарихи орталықтарды бөліп, халықаралық әуежаймен, теміржол және автовокзалдармен жалғастыратын айналма жолдар салу көзделген. 

Көлік ағынын жақсарту үшін ұзындығы 1069 шақырым қолданыстағы магистралдық көшелерді кеңейту және жаңадан салу көзделген. Қала аумағы бойынша көлік жол айрықтары мен жол өткелдерінің саны 24-ке дейін ұлғайтылады. Автобус бағыттарының ұзақтығы 533 шақырымнан 850 шақырымға дейін артады. 

Халықаралық әуежайдың жолаушыларды қабылдауы сағатына 250 жолаушыға, темір жол вокзалы тәулігіне 5 мың жолаушыға, ал автовокзал тәулігіне 15 мың жолаушыға дейін қабылдай алады деп болжанып отыр. 

Бас жоспарда қаланы сумен қамту мәселесі де қарастырылған. Бүгінгі таңда қаланың су тұтынуы тәулігіне 35 мың м3 дейін жетеді. 

Қарашық, Біресек-Қантағы және Мырғалымсай кен орындарының жерасты суларының жалпы қоры тәулігіне 177 мың м3 құрайды.

«Халық санының 350 мың адамға дейін өсуін ескере отырып, Бас жоспар шеңберінде Иқансу-Қытай кен орнының жерасты сулары есебінен қорлар кеңейтіледі және ұзындығы 163 шақырым су құбыры желілері салынады. Бұл ауыз суды күнделікті тұтыну көлемін тәулігіне 197 мың м3 дейін арттырады», - деді Қ. Өскенбаев.

Су бұру мәселесі де өзекті. Бүгінгі таңда қалада қуаты тәулігіне 20 мың м3 кәріздік-тазарту құрылғысы жұмыс істейді. 

Бас жоспар аясында жобалық қуаты тәулігіне 25 мың м3 болатын қосымша 3 кәріздік-тазарту құрылғысы салынады, сондай-ақ одан әрі жаңғыртуды ескере отырып, оның қуаты тәулігіне 125 мың м3 дейін жеткізіледі. 

Қосымша ұзындығы 139 шақырым болатын кәріз желілері салынады.  

Қалада жылумен жабдықтау 2 орталықтандырылған қазандықпен және жалпы қуаты 486 Гкал/сағат болатын 100 шағын қазандықпен қамтамасыз етіледі.

Жобада 2 жаңа бу-газ қондырғысын салу және қолданыстағы қазандықтар мен жылыту пештерін табиғи газға ауыстыра отырып, жаңғырту көзделген.

Бұл жылумен жабдықтауды 1775 Г кал/сағатқа дейін арттырады.

Бүгінгі таңда қала Бейнеу-Шымкент магистралдық газ құбырынан АГТС-«Түркістан» және АГТС-«Ескі Иқан» газ тарату станциялары арқылы табиғи газбен қамтамасыз етіледі. 2050 жылға қарай бұл станциялардың өнімділігін жылына 215 млн м3 дейін арттыру жоспарланған.

Қаланы электр энергиясымен қамтамасыз ету мәселесі бойынша да бірқатар шара іске асырылады.  

Қазіргі уақытта қаланың электр тұтыну көлемі 83 млн кВт/сағат құрайды. 

Қосымша электрмен жабдықтаудың баламалы көзі ретінде күн электр станциясының құрылысы көзделген.

Бұдан басқа, көшелерді жарықтандыру, суды жылыту үшін күн панельдері қолданылады.

«Бас жоспарды жүзеге асыру бойынша көзделген жобалық шешімдердің арқасында қажетті инженерлік инфрақұрылымды дамытып және тарихи және мәдени мұра объектілерін сақтай отырып, қаланың қазіргі заманғы сәулеттік келбеті жасалады», — деді Қ. Өскенбаев.


Қазақстанның Премьер-Министрі мен Үкіметі жаңалықтарынан хабардар болыңыз — ресми Telegram-ботқа жазылыңыз


Жаңалықтар тізбегі
27 Ақпан 2021, 15:24
Қазақстанның денсаулық сақтау жүйесіне шолу: 2020 жылдың қорытындысы және 2021 жылға арналған жоспар
26 Ақпан 2021, 19:55
Қасым-Жомарт Тоқаев Реформалар жөніндегі жоғары кеңестің кезекті отырысын өткізді
26 Ақпан 2021, 18:31
Мемлекет басшысы бірқатар кадрлық тағайындау жасады
26 Ақпан 2021, 16:20
Азаматтардың әлеуметтік құқықтарын қорғау, қызметтерді цифрландыру, зейнетақы реформасы — 2020 жылдың қорытындысы бойынша маңызды әлеуметтік жобалардың іске асырылуы
26 Ақпан 2021, 11:02
Мемлекет басшысы Kaspi.kz компаниясының негізін қалаушыларды қабылдады
26 Ақпан 2021, 10:05
Қазақстан Республикасы Үкіметінің 2021 жылғы 18 ақпандағы №75 Қаулысы
25 Ақпан 2021, 19:09
«Бәйтерек» холдингінің өңдеу секторын қаржылай қолдау көлемі 21%-ға өсті
25 Ақпан 2021, 18:27
Президент Қасым-Жомарт Тоқаев бірқатар мемлекеттің елшілерінен сенім грамоталарын қабылдады
25 Ақпан 2021, 18:07
Мемлекет басшысы Ұлттық қоғамдық сенім кеңесінің бесінші отырысына қатысты
25 Ақпан 2021, 16:58
«Nur Otan» партиясының Төрағасы Нұрсұлтан Назарбаев Бауыржан Байбекті қабылдады
25 Ақпан 2021, 15:31
Мемлекет басшысы Қасым-Жомарт Тоқаевтың Ұлттық қоғамдық сенім кеңесінің V отырысында сөйлеген сөзі
25 Ақпан 2021, 13:31
Мұрат Нұртілеу ҚР Президентінің Әкімшілігі басшысының орынбасары лауазымына тағайындалды
25 Ақпан 2021, 10:29
Әлібек Қуантыров ҚР ұлттық экономика вице-министрі болып тағайындалды  
25 Ақпан 2021, 10:02
Мейіржан Юсупов ҚР ұлттық экономика вице-министрі қызметінен босатылды
24 Ақпан 2021, 18:18
Е. Тоғжанов COVID-19 таралуына жол бермеу жөніндегі ведомствоаралық комиссияның отырысын өткізді
24 Ақпан 2021, 17:56
Ернат Мұхамадиев ҚР Мәдениет және спорт министрлігі аппаратының басшысы болып тағайындалды
24 Ақпан 2021, 17:46
Қазақстан мен Германия «жасыл экономиканы» бірлесіп дамуға ниетті
24 Ақпан 2021, 14:32
Серік Егізбаев ҚР Ақпарат және қоғамдық даму министрлігінің аппарат басшысы болып тағайындалды
24 Ақпан 2021, 10:31
Асқар Үмбетәлиев ҚР Әділет министрлігі аппаратының басшысы болып тағайындалды
23 Ақпан 2021, 18:58
Елбасы Ш. Айманов атындағы «Қазақфильм» акционерлік қоғамының президенті Ақан Сатаевты қабылдады
23 Ақпан 2021, 17:15
Әлеуметтік тұрақтылық және жұмыспен қамтуды сақтау: Қазақстанның өнеркәсіп секторы 2020 жылды оң даму қарқынымен аяқтады
23 Ақпан 2021, 16:11
Қасым-Жомарт Тоқаев Ұлттық қоғамдық сенім кеңесінің мүшелерімен бірқатар кездесу өткізді
23 Ақпан 2021, 15:56
ҚР Үкіметінің отырысы, 23.02.2021
23 Ақпан 2021, 15:42
Қазақстанда тұрғын үй саясатын реформалау мәселелері бойынша заң жобасы әзірленді — Б. Атамқұлов
23 Ақпан 2021, 15:23
Мобильді топтардың дайындығы, ауа райы жағдайының мониторингі, су деңгейін бақылау — су тасқыны кезеңіне дайындық қалай өтуде
23 Ақпан 2021, 15:08
Қарағанды фармацевтика кешені «Спутник V» вакцинасының өнеркәсіптік партиясын шығарды
23 Ақпан 2021, 13:22
Қазақстан Республикасы Үкіметінің 2021 жылғы 18 ақпандағы №72 Қаулысы
23 Ақпан 2021, 11:48
Қазақстан экономикасын әртараптандыру АӨК әлеуетін ашу, индустрияландыру және сапалы цифрландыруды жүргізу арқылы іске асырылады
23 Ақпан 2021, 10:30
Үкімет су тасқыны кезеңіне дайындық мәселесін қарады
23 Ақпан 2021, 10:00
Қазақстанда биыл 17 млн шаршы метр тұрғын үйді пайдалануға беру жоспарланған
23 Ақпан 2021, 09:30
Үкімет, Ұлттық банк және ҚНРДА Макроэкономикалық саясатты үйлестіру туралы келісімге қол қойды
22 Ақпан 2021, 10:56
23 ақпан күні Үкімет үйінде Қазақстан Үкіметінің отырысы өтеді
22 Ақпан 2021, 10:47
Денсаулық сақтау, жұмыспен қамту және әлеуметтік қолдау — 2020 жылдың қорытындысы бойынша Нұр-Сұлтан қаласының әлеуметтік-экономикалық дамуы
21 Ақпан 2021, 10:02
Видеодайджест: «Аптаның айшықты оқиғалары» №100
20 Ақпан 2021, 10:59
«Fitch Ratings» рейтинг агенттігі Қазақстанның кредиттік рейтингін «BBB» деңгейінде растады, болжам «тұрақты»
19 Ақпан 2021, 19:32
Бахтияр Қожахметов ҚР қаржы вице-министрі қызметіне тағайындалды
19 Ақпан 2021, 16:49
Мемлекет басшысы Цифрлық даму, инновациялар және аэроғарыш өнеркәсібі министрі Бағдат Мусинді қабылдады
19 Ақпан 2021, 12:19
Мәдени мұра, салауатты өмір салтын насихаттау, отандық туризмді қолдау — 2020 жылы ҚР мәдениет және спорт саласы қалай дамыды
19 Ақпан 2021, 11:08
«Nur Otan» партиясының сайлауалды бағдарламасын іске асыру жөніндегі штаб өз жұмысын бастады
19 Ақпан 2021, 10:28
Қазақстан Республикасы Үкіметінің 2021 жылғы 9 ақпандағы №35 Қаулысы
19 Ақпан 2021, 10:05
Қазақстан Республикасы Үкіметінің 2021 жылғы 9 ақпандағы №42 Қаулысы
18 Ақпан 2021, 16:12
Қазақстан Президенті Қасым-Жомарт Тоқаев Өзбекстанның cыртқы істер министрі Абдулазиз Камиловті қабылдады
18 Ақпан 2021, 10:22
Экологиялық бастамалар, заңнаманы жетілдіру және мемлекеттік қолдау шаралары — 2020 жылдың қорытындысы бойынша Қазақстанның геология және табиғи ресурстар саласының дамуы
17 Ақпан 2021, 16:55
ҚР Премьер-Министрі Асқар Мамин Шымкент пен Түркістанды дамыту жобаларын тексерді
17 Ақпан 2021, 15:57
Мемлекет басшысы Total концернінің барлау және өндіру жөніндегі бөлімшесінің президенті Арно Брейякты қабылдады
17 Ақпан 2021, 10:38
Moody’s кредиттік агенттігі Қазақстан экономикасы бойынша кредиттік пікір жариялады 
16 Ақпан 2021, 19:54
ҚР Премьер-Министрі А. Мамин РФ Үкіметінің Төрағасы М. Мишустинмен телефон арқылы сөйлесті
16 Ақпан 2021, 17:10
Қазақстан Республикасы Үкіметінің 2021 жылғы 9 ақпандағы №47 Қаулысы
16 Ақпан 2021, 14:30
Қазақстанда жергілікті қамтуды дамытудың тікелей инвестициялар қорын құру көзделуде – Н. Ноғаев
16 Ақпан 2021, 13:34
ҚР Үкіметінің отырысы, 16.02.2021
Депутаттық сауал
© 2019 - 2020 Қазақстан Республикасы Премьер-Министрінің Баспасөз Қызметі.
SoftDeCo компаниясының жобасы.