Видеодайджест: «Аптаның айшықты оқиғалары» №77

2023 жылғы 3-9 шілде аралығындағы аптаның айшықты оқиғалары

• Сейсенбі, 4 шілдеде, Үкімет отырысы өтті. Бірінші мәселе ретінде вегетациялық кезеңнен өту және су ресурстарын тиімді пайдалану мәселесі қаралды. Екінші мәселе ретінде Қазақстандағы бизнес-ахуалды одан әрі жақсарту жөніндегі шаралар қаралды.

• Сол күні Премьер-Министр Әлихан Смайылов Маңғыстау атом энергетикалық комбинатында (МАЭК) және Атырау мұнай өңдеу зауытында (АМӨЗ) болған апаттардың себептерін анықтау жөніндегі мемлекеттік комиссияның отырысын өткізді.

• Келесі күні Ә. Смайылов Маңғыстау атом энергетикалық комбинатындағы (МАЭК) жөндеу-қалпына келтіру жұмыстарының барысын тексеру үшін Маңғыстау облысына қарай жол тартты. Еске сала кетейік, 3 шілдеде №1 энергетикалық блок апатты жағдайда тоқтап қалды.

• Сол күні жұмыс сапары аясында Премьер-Министр өңірді сумен қосымша жабдықтатын «Каспий» тұщыландыру зауытын кеңейту жобасымен танысты.

• Одан кейін Ә. Смайылов бастаған үкіметтік топ Атырау мұнай өңдеу зауытындағы (АМӨЗ) ағымдағы жағдаймен және зауыт жұмысын қалпына келтіру барысын тексеру үшін Атырауға барды.

• Сонымен қатар Атырауда Премьер-Министр «KPI Inc.» ЖШС полипропилен өндіру кешенінің жұмысымен танысты.

• Ал сенбі, 8 шілдеде, Үкімет үйінде ҚР Премьер-Министрі Әлихан Смайыловтың төрағалығымен Мемлекет басшысының Сайлауалды бағдарламасын іске асыру жөніндегі Республикалық штаб өтті. Онда қолайлы оқу жағдайлары бар 1,5 млн оқушы орнын енгізу мәселесі қаралды.

• Сондай-ақ осы күні Үкімет басшысы «Астана – мәдениет керуені» I халықаралық әскери-музыкалық фестивалінің қорытынды гала-концертіне қатысты.