Emblem
Қазақстан Республикасы
Премьер-Министрінің
ресми ақпараттық ресурсы
Menu
Emblem
Close button

Қазақстанда МЖӘ жобалары бойынша инвесторлармен жұмыс жасау үшін «бір терезе» қағидаты енгізілді

Сейсенбі, 22 Қазан 2019, 11:43:04

ҚР Премьер-Министрі А. Маминнің төрағалығымен өткен Үкімет отырысында ҚР ұлттық экономика министрі Р. Дәленов, ҚР денсаулық сақтау министрі Е. Біртанов, ҚР білім және ғылым министрі А. Аймағамбетов, ҚР индустрия және инфрақұрылымдық даму министрі Б. Атамқұлов мемлекеттік-жекешелік әріптестікті дамыту мәселелері туралы баяндады. 

ҚР ұлттық экономика министрі Р. Дәленов Қазақстанда мемлекеттік-жекешелік әріптестікті дамыту бойынша атқарылып жатқан жұмыстар туралы баяндады.

«1 қазандағы жағдай бойынша МЖӘ жобаларының жалпы саны – 1 253, сомасы – 3,5 трлн теңге. Оның ішінде 1,6 трлн теңгеге 615 келісімшарт жасалды. 1,9 трлн теңге сомасындағы 638 жоба дайындық сатысында», — деді Р. Дәленов.

ҚР ҰЭМ басшысы атап өткендей, көптеген жобалар білім беру, денсаулық сақтау, мәдениет және спорт, энергетика және тұрғын үй-коммуналдық шаруашылығы салаларына тиесілі.

Көп қаражатты қажет ететін жобалар көлік және инфрақұрылым, энергетика және тұрғын үй-коммуналдық шаруашылығы, білім беру, мәдениет және спорт саласында.

Биылғы мамырда саннан сапаға көшу мақсатында МЖӘ жобаларын санаттарға бөлу енгізілді. МЖӘ жобалары бюджеттен өтеу бойынша шартты түрде 3 санатқа бөлінді:

I санат – жеке әріптестің инвестициялары мен операциялық шығындарын бюджеттен толықтай өтеу.

II санат – бюджет есебінен инвестицияларды ішінара өтеу.

III санат – бюджеттен өтеусіз. Өтеу негізінен нарық есебінен орындалады.

Ұлттық экономика министрлігінің басшысы Министрлік қабылдаған жергілікті жердегі жобалардың сапасын үйлестіру мен бақылау шараларына назар аударды. Бұлар: 

  • ЖАО өтеу лимиттері;

  • жоспарланған жобаларды мониторингілеу;

  • жобалардағы маржаны бақылау;

  • жасалған және жоспарланған жобалардың қолжетімділігі мен айқындығы.

Министрліктің деректері бойынша, МЖӘ жобаларына жеке инвестиция тартуға қолайлы жағдай туғызу үшін мынадай жаңа шаралар ұсынылады:

1. МЖӘ «бірыңғай терезесі»;

2. «Пакеттік шешімдер»;

3. «Қайтарымды» МЖӘ;

4. МЖӘ процестерін цифрландыру.

Экономикалық ведомство осы жаңалықтарды іске асыру үшін заң жобасының тұжырымдамасын жасап, заңнамалық түзетулер жобасын дайындауда.

Бүгінгі күні МЖӘ орталығы базасында МЖӘ жобалары бойынша «бір терезе» құрылды. «Бір терезе» офисінің міндеті – инвесторлармен өзара іс-қимыл, МЖӘ жобалары бойынша ақпараттық-консультациялық сүйемелдеу, сондай-ақ МЖӘ және концессия саласындағы заңнама нормаларын түсіндіру. 

Қазіргі уақытта МЖӘ орталығының сайтында инвесторлар үшін жобалар базасы және МЖӘ мен концессиялар жөніндегі заңнамаларға сілтемелер орналастырылған «Бір терезе» жеке қойындысы жұмыс істеуде. Инвесторлар жоспарланып жатқан болсын, іске асырылып жатқан жобалар болсын, өздерін қызықтырған кез келген ақпаратты өз бетінше ала алады.

«МЖӘ-ні одан әрі жетілдіру мақсатында барлық рәсімдерді электрондық форматқа көшіру ұсынылып отыр. МЖӘ шарттарын жоспарлау, тендерлік рәсімдеу, әзірлеу, тіркеу мен орындау үдерісі цифрландыру мақсатында электрондық форматқа көшіріледі. Бұл жұмыстарды мемлекеттік тапсырыстар порталымен біріктіру көзделуде», — деп түйіндеді ұлттық экономика министрі. 

ҚР денсаулық сақтау министрі Е. Біртанов 2016-2019 жылдар аралығында денсаулық сақтау саласына салынған инвестициялар жылдық орташа 31% өсумен екі еседен астам өсті. Бұл ретте жеке инвестициялардың орташа жылдық өсуі 33%-ды құрады.

Жергілікті атқарушы органдар денсаулық сақтау саласында 58,9 млрд теңге сомасына 127 МЖӘ келісімшартын жасады.

Қол қойылға МЖӘ келісімшарттары аясында тартылған инвестициялар сомасы бойынша Шымкент және Нұр-Сұлтан қалаларының және Ақтөбе облысының әкімдіктері жетекші орындарда.

Денсаулық сақтау саласында өңірлерде Нұр-Сұлтан қаласында томотерапия орталығы мен көп салалы аурухананы, Ақтөбеде офтальмологиялық орталықты құру, гемодиализ орталықтарын ашу, гемокоррекция орталығы, клиникалық-диагностикалық қызметтер ұсыну бойынша МЖӘ жобалары іске асырылды.

Үш оңалту орталығы ашылды, соның ішінде біреуі балаларға арналған, Шымкентте, Қарағандыда және Нұр-Сұлтанда үш емхана салынды.

Денсаулық сақтау министрлігі саланың 2025 жылға дейінгі қажеттіліктерін ескере отырып, МЖӘ аясында 19 мың жұмыс орнын құрумен, 838,5 млрд теңгеге республикалық деңгейде 16 ірі аурухана салуды жоспарлады.

Бүгінгі таңда Түркістан және Нұр-Сұлтан қалаларында жалпы инвестициялар көлемімен жеті МЖӘ жобасын іске асыру, Нұр-Сұлтан қаласында «DARU» оңалту орталығын және Алматы және Қарағанды қалаларында үш университеттік клиника салу жұмыстары басталған. Әлеуетті инвесторлар бар және жеке қаржылық бастамаға дайындық жұмыстары жүргізілуде.

Бұған қоса, министрлік шамамен 400 млрд тг инвестиция тұратын екінші пулдың 9 жобасын пысықтауды бастады.

ҚР білім және ғылым министрі А. Аймағамбетов, өз кезегінде, бүгінгі таңда білім беру саласында 558 жоба іске асырылып жатқанын айтты. 

«Оның 332-сі стандартты МЖӘ механизмы бойынша және 226-сі МЖӘ қағидаты бойынша іске асырылып жатыр, бұл жекеменшік мектептер ашу мен жатақханаларды пайдалануға беру жобалары. Тартылған инвестициялардың жалпы сомасы 243 млрд теңгені құрайды», — деді білім және ғылым министрі.

МЖӘ жобалары мәліметтерінің қоржыны әр түрлі. Олардың басым көпшілігі мектепке дейінгі салада ұсынылған. 70 жоба мектеп асханаларын басқаруға беруді, 26 жоба колледждерді сенімді басқаруға беруді және 14 жоба спорт зал салуды, компьютерлік техниканы жеткізу және қызмет көрсетуді көздейді.

Көш бастап тұрған өңірлер: Шығыс Қазақстан, Ақмола, Солтүстік Қазақстан, Қостанай облыстары және Алматы қаласы. 

Жеке кәсіпкерлерді мектеп құрылысына тарту нәтижесінде елімізде биылдың өзінде 47 жаңа жеке мектеп ашылды. Жыл соңына дейін тағы 13 мектеп ашылады деп жоспарланған. Тек ағымдағы жылы жеке меншік мектептер саны 121 бірліктен 181-ге дейін өседі, яғни 50% өсім. Соның нәтижесінде 18 мыңнан астам оқушы орны ашылуда. Сонымен қатар, жұмыс істеп тұрған жеке меншік мектептер 45%-ға толықтырылды.

МЖӘ тетігі студенттер жатақханаларын салуда сәтті қолданылуда. 

«Бастама бастау алған уақыттан бері 5 149 орын пайдалануға берілді және жыл соңына дейін тағы 4 050 орын жатақханаларда пайдалануға беріледі. 28 мың орынға арналған 70 жоба бойынша жұмыс істелуде», — деді А. Аймағамбетов. 

Индустрия және инфрақұрылымдық даму министрі Б. Атамқұлов қазіргі уақытта ҚР ИИДМ жетекшілік ететін салаларда мемлекеттік-жекешелік серіктестік тетіктері аясында 36 жоба іске асырылу және пысықтау сатысында тұрғанын, оның ішінде 9-ы – республикалық және 27-сі – өңірлік жоба екенін атап өтті. Жобалардың жалпв сомасы — 2 011,8 млрд теңге.

«Үлкен Алматы айналма автокөлік жолы (ҮАААЖ)» автокөлік жолын салу және пайдалануға беру» жобасы бойынша

Концессионер құрылыс-монтаж жұмыстарын өз қаражаты есебінен жүргізіп жатыр. 14 қазанда ЕҚҚДБ Директорларының кеңесі жобаны қаржыландыруды мақұлдады, осы жылдың соңына дейін концессионер қаржылық жабылуды қамтамасыз етеді. 2021 жылы қозғалыс ашылады.

«Алматы – Қорғас» автожол учаскесінде (Батыс Еуропа – Батыс Қытай) «Нұр жолы» автомобиль өткізу пунктінің инфрақұрылымын құру» жобасы бойынша

Нысан 2018 жылдың 22 маусымында пайдалануға берілді. Жеке серіктес тарапынан келісімшарттық міндеттемелер толығымен орындалып жатыр. Бүгінгі таңда көлік құралдарын қарау уақыты 4 есеге жуық қысқарды. Күнделікті жүк тасымалы трафигі 200 автокөлікті құрайды.

«Түркістан облысының жылдам жүретін автомобиль жолдарын салу және пайдалануға беру» жобасы бойынша

Жоба аясында Шымкент және Сарыағаш айналма жолдарының құрылысы (150 км) және жалпы ұзындығы 265 км жолды пайдалануға беру көзделген. Жобаның пысықталу деңгейі жоғары. ҮАААЖ жобасын қаржылық жабуға қол жеткізу нәтижелері бойынша жобаны іске асыру тетігі туралы мәселе қаралады.

«Жол жүруге ақы алудың ашық жүйесі» жобасы бойынша

Жобаны іске асыру 2020-2023 жылдары республикалық маңызы бар автомобиль жолдарының 11 мың шақырымына ақы төлеу жүйесін енгізуге мүмкіндік береді.

Ағымдағы жылдың 1 шілдесінде «ҚазАвтоЖол» ҰК» АҚ инвестициялық конкурс жариялады, осы жылдың 28 қазанында конкурс өтінімдері ашылады. Келісімшартты жасау осы жылдың желтоқсан айына жоспарланған.

«Алматы станциясын айналып өтетін ұзындығы 73,2 км темір жол желісін салу» жобасы бойынша

Қазіргі уақытта конкурстың бірінші кезеңінің қорытындысы шығарылды. Біліктілік іріктеуінен 2 Қазақстан-Қытай консорциумы өтті.

Сонымен қатар, жеке серіктесті анықтау бойынша конкурстың екінші кезеңін өткізуге конкурстық құжаттама жасалды.

Сонымен бірге, қазіргі уақытта ҰЭМ-де конкурстық құжаттамаға сараптама жүргізілуде.

Келісімшартқа қол қою ағымдағы жылдың желтоқсанына жоспарланған. Құрылыс жұмыстары 2020-2022 жылдары жүргізіледі деп болжанған. 

«Түркістан қ. әуежай салу» жобасы бойынша

2019-2021 жылдары МЖӘ механизмі бойынша халықаралық әуежай мен кіру жолын салу қарастырылған. (Әуежайдың негізгі параметрлері: жасанды ұшу-қону жолағы: 3 300х45м., терминал ауданы – 10,5 мың м2, әуежайдың өткізу қабілеті – сағатына кемінде 450 жолаушы).

«Әуе жүктері (e-Freight) тасымалы саласында қағазсыз құжат айналымы ақпараттық жүйесін енгізу және бейімдеу» жобасы бойынша

Осы жылдың наурыз айында ақпараттық жүйе тестілеу режимінде Қазақстан Республикасының барлық әуежайларында қазақстандық авиакомпаниялардың қатысуымен іске қосылды. Қазіргі уақытта жүйеге SCAT, Air Astana, Turkish Airlines, Bek Air, Lufthansa, S7, Asia Freight авиакомпаниялары қосылған. Сонымен қатар, Қаржы және Ауыл шаруашылығы министрліктерінің ақпараттық жүйелерімен интеграциялау жоспарланған. Осы жылдың соңына дейін өнеркәсіптік пайдалануға беру актісіне қол қойылады.

Тұрғын үй-коммуналдық шаруашылық саласында өңірлерде энергия үнемдеу және жылумен қамтамасыз ету саласында 26 жоба іске асырылу және пысықталу сатысында.

Энергияны үнемдеу саласындағы 23 жоба Павлодар, Атырау, Алматы, Қызылорда, Қостанай, Түркістан және Солтүстік Қазақстан облыстарында және Алматы қаласында жүзеге асырылуда.

Жылумен жабдықтау саласындағы 3 жоба Алматы, Ақмола және Шығыс Қазақстан облыстарында жүзеге асырылуда.

Премьер-Министрдің бірінші орынбасары – қаржы министрі Ә. Смайылов бұл бағыттағы жұмыстар ЖІӨ-нің 30% деңгейіне жету үшін нысаналы индикаторларға қол жеткізуді қамтамасыз ету үшін жандандырылатынын атап өтті. Жобалардың тізімі анықталды, олардың іске асырылу барысы қадағаланады.


Қазақстанның Премьер-Министрі мен Үкіметі жаңалықтарынан хабардар болыңыз — ресми Telegram-ботқа жазылыңыз


Жаңалықтар тізбегі
27 Шілде 2021, 17:55
Ведомствоаралық комиссия Қазақстанның бірқатар қаласында карантин шараларын күшейту туралы шешім қабылдады
27 Шілде 2021, 15:04
ҚР Премьер-Министрі А. Мамин Өзбекстанның көлік министрі И. Махкамовпен кездесті
26 Шілде 2021, 17:56
Қазақстан Республикасы Үкіметінің 2021 жылғы 16 шілдедегі №493 Қаулысы
26 Шілде 2021, 17:51
Қазақстан Республикасы Үкіметінің 2021 жылғы 14 шілдедегі №489 Қаулысы
26 Шілде 2021, 16:24
ҚР Премьер-Министрі А. Мамин РФ Астрахан облысының делегациясын қабылдады
26 Шілде 2021, 15:58
Қазақстан мен Eni баламалы энергия көздерін дамытады
25 Шілде 2021, 09:16
Видеодайджест: «Аптаның айшықты оқиғалары» №121
24 Шілде 2021, 11:38
А. Мамин Тәжікстан Премьер-Министрі К. Расулзодамен телефон арқылы сөйлесті
23 Шілде 2021, 20:20
«Жасыл экономикаға» көшу жөніндегі кеңес рұқсат етілмеген қоқыс үйінділері мәселелерін қарады
23 Шілде 2021, 19:40
Бүгінгі таңда Қазақстанда 8 млн доза вакцина салынды — ҚР ДСМ
23 Шілде 2021, 15:06
Жартыжылдық қорытындысы: Ақтөбе облысының әлеуметтік-экономикалық даму серпіні тұрақты өсім көрсетіп отыр
23 Шілде 2021, 10:44
Мұнай өндіру, мектептер салу және туризмді белсенді дамыту — Маңғыстау облысында қандай жобалар іске асырылып жатыр
23 Шілде 2021, 09:44
Қажмұқан Бекмұқашев ҚР ЦДИАӨМ Геодезия және картография комитетінің төрағасы болып тағайындалды
22 Шілде 2021, 18:49
ҚР Премьер-Министрі жұмыс сапарымен Ақтөбе облысына барды
22 Шілде 2021, 13:45
Биыл жол салуға бөлінген қаражат «Ауыл – Ел бесігі» бағдарламасы бойынша жұмсалады — Маңғыстау облысының әкімі
22 Шілде 2021, 13:45
Алдағы қыс маусымына жем-шөп қорын құру үшін тиісті қаражат бөлінуде — Маңғыстау облысының әкімі С. Трұмов
22 Шілде 2021, 13:34
С. Трұмов: халықаралық деңгейдегі туризм нысандарының салынуы облыс экономикасының дамуына зор серпін береді
21 Шілде 2021, 18:27
Е. Тоғжанов коронавирус инфекциясының таралуына жол бермеу жөніндегі ВАК отырысын өткізді
21 Шілде 2021, 15:38
А. Маминнің Маңғыстау облысына жұмыс сапары: туристік, көліктік және инженерлік инфрақұрылым, АӨК, цифрландыру   
21 Шілде 2021, 12:07
Үкімет басшысы Маңғыстау облысындағы құрғақшылықтан зардап шеккен фермерлік шаруашылықтарға көмек көрсетуді тапсырды
19 Шілде 2021, 21:29
Мемлекет басшысы еліміздегі эпидемиологиялық ахуал жөнінде кеңес өткізді
19 Шілде 2021, 21:23
«Бәйтерек» ҰБХ» АҚ Директорлар кеңесі ҚР Президентінің тапсырмаларын іске асыру мәселелерін қарады
19 Шілде 2021, 18:20
Рүстем Биғари ҚР білім және ғылым вице-министрі қызметінен босатылды
19 Шілде 2021, 15:46
ҚР Премьер-Министрі А. Мамин жем-шөп дайындау жұмыстарын жандандыруды тапсырды
16 Шілде 2021, 16:13
Ресейдің ірі АВТОВАЗ, РЕНО РЕСЕЙ және КАМАЗ автомобиль өндірушілері екі ел арасындағы өндірістік кооперацияларды одан әрі дамытады
14 Шілде 2021, 18:38
Ғабит Сыздықбеков ҚР Премьер-Министрі Кеңсесі басшысының бірінші орынбасары болып тағайындалды
14 Шілде 2021, 17:22
Қазақстан Республикасы Үкіметінің 2021 жылғы 22 маусымдағы №429 Қаулысы
14 Шілде 2021, 17:20
ҚР Премьер-Министрі А. Мамин 4 өңірде карантиндік шараларды күшейтуді тапсырды
14 Шілде 2021, 17:04
Қазақстан Республикасы Үкіметінің 2021 жылғы 28 маусымдағы №441 Қаулысы
14 Шілде 2021, 16:37
Қазақстан Республикасы Үкіметінің 2021 жылғы 3 шілдедегі №460 Қаулысы
14 Шілде 2021, 16:32
Қазақстан Республикасы Үкіметінің 2021 жылғы 7 шілдедегі №466 Қаулысы
14 Шілде 2021, 16:25
Қазақстан Республикасы Үкіметінің 2021 жылғы 1 шілдедегі №457 Қаулысы
14 Шілде 2021, 16:20
Қазақстан Республикасы Үкіметінің 2021 жылғы 1 шілдедегі №459 Қаулысы
14 Шілде 2021, 16:14
Қазақстан Республикасы Үкіметінің 2021 жылғы 30 маусымдағы №449 Қаулысы
13 Шілде 2021, 17:59
2021 жылдың 5 айында ішкі тауар айналымы өткен жылдың сәйкес кезеңімен салыстырғанда 15,8%-ға өсті — Б. Сұлтанов
13 Шілде 2021, 16:15
Үкіметте 2021 жылы халық санағын өткізу бойынша ұйымдастыру мәселелері талқыланды
13 Шілде 2021, 16:08
Үкіметте Кәсіпкерлік қызметті реттеу жөніндегі ведомствоаралық комиссияның отырысы өтті
12 Шілде 2021, 19:10
ВАК коронавирус инфекциясының таралуына жол бермеу жөніндегі шаралар топтамасын қабылдады
12 Шілде 2021, 14:48
Асхат Оралов ҚР ақпарат және қоғамдық даму вице-министрі қызметінен босатылды
12 Шілде 2021, 12:08
Мемлекет басшысы Жоғары сот кеңесінің төрағасы Денис Шиппті қабылдады
11 Шілде 2021, 10:58
Видеодайджест: «Аптаның айшықты оқиғалары» №120
10 Шілде 2021, 16:55
ҚР Ұлттық банкі «цифрлық теңгені» енгізу бойынша пилоттық жобаны дайындап жатыр
10 Шілде 2021, 16:21
ҚР Премьер-Министрі А. Мамин ауыл шаруашылығы жаңа вице-министрі – министрінің м. а. Е. Қарашөкеевті таныстырды
09 Шілде 2021, 18:27
Қазақстан Президенті БҰҰ Бас Ассамблеясының төрағасы Волкан Бозкырмен кездесу өткізді
09 Шілде 2021, 09:15
Қанат Ысқақов ҚР АҚДМ Ақпарат комитетінің төрағасы болып тағайындалды
07 Шілде 2021, 20:36
Марат Қарабаев ҚР индустрия және инфрақұрылымдық даму вице-министрі болып тағайындалды
07 Шілде 2021, 19:36
Е. Тоғжанов Қазақстанда COVID-19 таралуына жол бермеу жөніндегі ВАК отырысын өткізді
06 Шілде 2021, 17:35
ҚР Премьер-Министрі Асқар Мамин қазақстандықтарды Елорда күнімен құттықтады
04 Шілде 2021, 11:06
Видеодайджест: «Аптаның айшықты оқиғалары» №119
03 Шілде 2021, 19:26
Әнуар Ахметжанов ҚР цифрлық даму, инновациялар және аэроғарыш өнеркәсібі бірінші вице-министрі қызметінен босатылды
Депутаттық сауал
© 2019 - 2021 Қазақстан Республикасы Премьер-Министрінің Баспасөз Қызметі.
SoftDeCo компаниясының жобасы.