ҚР Үкіметінің отырысы, 22.08.2023

22 тамызда Үкімет үйінде Қазақстан Үкіметінің отырысы өтті.

— ҚР Премьер-Министрі Әлихан Смайыловтың төрағалығымен өткен Үкімет отырысында егін жинау науқанына дайындық және жемшөппен қамтамасыз ету мәселесі қаралды. Өз кезегінде ауыл шаруашылығы министрі Ербол Қарашөкеев, энергетика вице-министрі Жандос Нұрмағанбетов, сонымен қатар Қостанай облысының әкімі Құмар Ақсақалов, Солтүстік Қазақстан облысының әкімі Айдарбек Сапаров, Ақмола облысының әкімі Ермек Маржықпаев тақырыпқа қатысты баяндама жасады.

— Үкімет басшысы астықты дер кезінде тасымалдап, сақтау орындарын дайындау бойынша жұмысты уақтылы жүргізу, сондай-ақ тұрақты бағаны сақтай отырып, жемшөп қорын сапалы дайындау бойынша тиісті шаралар қабылдау қажеттігін атап өтті.

— Сондай-ақ Үкімет отырысында жаңа жылу беру маусымына дайындық мәселелері қаралды. Энергетика вице-министрі Жандос Нұрмағанбетов пен индустрия және инфрақұрылымдық даму вице-министрі Ілияс Оспанов баяндама жасады.

— Премьер-Министр осы сектордағы цифрландыру мен автоматтандыру деңгейін арттыру маңызды екенін айтты және белгіленген мерзімде барлық жоспарланған жөндеу жұмысының аяқталуын және қажетті көлемде отынның алдын ала жеткізілуін қамтамасыз етуді талап етті.