2017 жылғы 4-10 қыркүйек аралығындағы аптаның айшықты оқиғалары

• Дүйсенбі күні, 4 қыркүйекте ҚР Парламенті Палаталарының бірлескен отырысы өтті. Мемлекет басшысы ҚР Парламентінің үшінші сессиясының ашылуына қатысты.

• Сейсенбі күні ҚР Премьер-Министрі Халықаралық тәуелсіз әл-ауқат қорлары форумына қатысты. Осы күні Бақытжан Сағынтаев Форум қатысушыларымен бірқатар кездесулер өткізді.

• Сондай-ақ, осы аптада XI Еуразиялық Kazenergy форумы өтті. Онда ҚР Премьер-Министрі шара қатысушыларына сөзін арнады.

• Форум аясында Б. Сағынтаев Исландияның экс-президенті О. Гримссонмен,  РФ Үкіметі Төрағасының орынбасары А. Дворковичпен, Royal Dutch Shell компаниясының барлау және өндіру бойынша директоры Э. Браунмен кездесулер өткізді. 

• Б. Сағынтаевтың төрағалығымен өткен ҚР Үкіметінің кезекті отырысында жылыту маусымына дайындық барысы, энергия үнемдеу және энергия тиімділігі мәселелері, сонымен қатар «Нұрлы жол» инфрақұрылымды дамытудың 2015-2019 жылдарға арналған мемлекеттік бағдарламасы аясында білім беру нысандары құрылысының барысы қаралды. 

• Осы күні ҚР Премьер-Министрі Міндетті әлеуметтік медициналық сақтандыру жүйесін енгізу мәселелері жөнінде кеңес өткізді.

• Бейсенбі күні Б. Сағынтаевтың төрағалығымен халықаралық қаржы ұйымдарымен және Экономикалық ынтымақтастық және даму ұйымымен өзара іс-қимыл жөніндегі Үйлестіру кеңесінің отырысы өтті.

• Сол күні Б. Сағынтаев ExxonMobil Production Company президенті Н. Даффинмен кездесу өткізіп, «Экспо-2017» көрмесіндегі Польша Республикасының ұлттық күнінің ашылу салтанатына қатысты.

• Сенбі күні ҚР Премьер-Министрі бірқатар маңызды келіссөздер жүргізді. Солардың ішінде Пәкістан Президенті М. Хуссейнмен, Индонезияның Вице-президенті Ю. Калламен және ИДБ Президенті Б. Әл-Хаджармен кездесті.

• Бұдан өзге, сенбі күні Бақытжан Сағынтаев «Цифрлық Қазақстан» мемлекеттік бағдарламасының жобасын талқылау бойынша кеңес өткізді.

• Жексенбі күні, 10 қыркүйекте ҚР Премьер-Министрі «Экспо-2017» халықаралық мамандандырылған көрмесінің жабылуына қатысты.

• 
• 
• 
•