Үкімет Аппараты

Ғалымжан Тельманұлы Қойшыбаев

Премьер-Министрдің орынбасары – Үкімет Аппаратының басшысы

Ғалымжан Тельманұлы Қойшыбаев 

1968 жылы Қызылорда қаласында дүниеге келген.

М.В. Ломоносов атындағы Мәскеу мемлекеттік университететін тәмамдаған.

Философия ғылымдарының кандидаты.

  • 1995-2004 жылдары Қазақстан Республикасының Ресей Федерациясындағы Елшілігінің атташесі, үшінші хатшысы, бірінші хатшысы, кеңесшісі, кеңесші-уәкілі болып қызмет еткен.

  • 2004 жылы Қазақстан Республикасының Ұжымдық қауіпсіздік туралы шарт ұйымының жанындағы өкілетті өкілі болған. 

  • 2004-2006 жылдары — Қазақстан Республикасы Президенті Әкімшілігінің Бас инспекторы.

  • 2006-2008 жылдары — Қазақстан Республикасы Сыртқы істер министрлігінің ерекше тапсырмалар жөніндегі елшісі.

  • 2008-2012 жылдары — Қазақстан Республикасының Литва Республикасындағы Төтенше және Өкілетті Елшісі, Қазақстан Республикасының Латвия Республикасындағы, Эстония Республикасындағы және Финляндия Республикасындағы Төтенше және Өкілетті Елшісі (қоса атқарушы).

  • 2012-2016 жылдары — Қазақстан Республикасының Финляндия Республикасы мен Эстония Республикасындағы Төтенше және Өкілетті Елшісі (қоса атқарушы).

  • 2016-2019 жылдары — Қазақстан Республикасы cыртқы істер министрінің орынбасары.

  • 2019 жылғы 26 наурызда ҚР Премьер-Министрі Кеңсесінің басшысы болып тағайындалды.

  • 2022 жылғы 11 қаңтарда ҚР Президентінің Жарлығымен Қазақстан Республикасы Премьер-Министрі Кеңсесінің басшысы болып қайта тағайындалды.

  • 2023 жылғы 4 қаңтарда Мемлекет басшысының Жарлығымен ҚР Премьер-Министрінің орынбасары – Үкімет Аппаратының басшысы болып тағайындалды.

  • 2023 жылғы 3 сәуірде Мемлекет басшысының Жарлығымен ҚР Премьер-Министрінің орынбасары – Үкімет Аппаратының басшысы болып қайта тағайындалды.

  • 2024 жылғы 6 ақпанда ҚР Президентінің Жарлығымен Қазақстан Республикасы Премьер-Министрінің орынбасары – Үкімет Аппаратының басшысы болып  тағайындалды.

Асқар Серікжанұлы Жәкенов

Үкімет Аппараты басшысының бірінші орынбасары

1975 жылы Қарағанды қаласында дүниеге келген.

Қарағанды мемлекеттік техникалық университетін және «Қайнар» университетін тәмамдаған.

  • 1998-1999 жылдары – «Каргормаш-ИТЭКС» ЖТАҚ-ында сыртқы экономикалық байланыстар, кеден және банк ісі бойынша жетекші маман, заң кеңесшісі.
  • 1999-2002 жылдары – ҚР Әділет министрлігінде жетекші маман, бас маман, бөлім басшысы.
  • 2002-2003 жылдары – ҚР Әділет министрлігінде басқарма басшысының орынбасары.
  • 2003-2004 жылдары – ҚР Әділет министрлігінде басқарма басшысы.
  • 2004-2012 жылдары – ҚР Премьер-Министрі Кеңсесінің заң бөлімі меңгерушісінің орынбасары.
  • 2012-2013 жылдары – ҚР Премьер-Министрі Кеңсесінің заңнама, қорғаныс және құқықтық тәртіп бөлімі меңгерушісінің орынбасары, ҚР Премьер-Министрі Кеңсесінің заң бөлімі меңгерушісінің орынбасары.
  • 2013-2019 жылдары – ҚР Премьер-Министрі Кеңсесінің бақылау және құжаттамалық қамтамасыз ету бөлімінің меңгерушісі.
  • 2019-2023 жылдары – ҚР Премьер-Министрінің Кеңсесі басшысының орынбасары, ҚР Үкіметі Аппараты басшысының орынбасары.
  • 2023-2024 жылдары – ҚР Президенті Әкімшілігінің басшысы хатшылығының меңгерушісі.
  • 2024 жылдың ақпанынан бастап – ҚР Үкіметі Аппараты басшысының бірінші орынбасары.

Ермек Әмірханұлы Аманшаев

Үкіметтің Парламенттегі өкілі
Ермек Әмірханұлы Аманшаев

1963 жылы 12 наурызда Маңғыстау облысында туған. 1985 жылы ҚазМУ филология факультетін үздік бітірді.  

Еңбек жолын 1979 жылы Маңғыстау облысы Ералиев ауданы №1 орта мектебінде дене тәрбиесі пәнінің оқытушысы болып бастаған.

  • 1985–86 жж.— Қазақстанның Орталық Мемлекеттік музейінің ғылыми қызметкері;

  • 1985–88 жж.— Қазақ Энциклопедиясының ғылыми редакторы;

  • 1988–1991 жж.— «Жалын» журналының жауапты хатшысы;

  • 1991–1995 жж. — Әл-Фараби атындағы Қазақ мемлекеттік университетінің қазақ әдебиеті кафедрасының ассистенті, аға оқытушысы;

  • 1995 жылы ҚР Министрлер кабинеті Іс Басқармасының қоғамдық бірлестіктермен байланыс жөніндегі мәдениет бөлімінің референті, содан кейін ҚР Министрлер Кабинеті Аппаратының Ішкі саясат бөлімінің консультанты, ҚР Үкіметі Аппаратының әлеуметтік-мәдени даму бөлімінің мәдениет секторының меңгерушісі болып тағайындалды;

  • 1997–2000 жж.— Қазақстан Республикасы Премьер-министрі канцеляриясында түрлі лауазымдарды атқарды: үкімет шешімдерін дайындауды үйлестіру секторының меңгерушісі; сараптама-талдау бөлімінің консультанты; қаржы-экономикалық сараптама бөлімінің өндірістік емес сала секторының консультанты; экономикалық бөлімнің әлеуметтік сала секторының меңгерушісі; өңірлік даму және әлеуметтік сала бөлімі меңгерушісінің орынбасары, сектор меңгерушісі;

  • 2000 жылы Астана қаласының Мәдениет басқармасының бастығы болып тағайындалды;

  • 2002 жылы — Қазақстан Республикасы Мәдениет, ақпарат пен қоғамдық келісім министрлігі Мәдениет Комитетінің төрағасы;

  • 2003 жылы — ҚР Мәдениет, ақпарат пен қоғамдық келісім вице-министрі, ҚР мәдениет вице-министрі, ҚР мәдениет, ақпарат пен спорт вице-министрі;

  • 2006–2008 жылдары — Астана қаласы әкімінің орынбасары;

  • 2008 жылы «Қазақстан темір жолы» ҰК» АҚ аппаратының жетекшісінің міндетін атқарды;

  • 2008 жылғы мамырдан 2014 жылғы желтоқсанға дейін Ш. Айманов атындағы «Қазақфильм» ұлттық компаниясы» АҚ президенті.

  • 2014-2019 жж. — Астана қаласы әкімінің орынбасары;

  • 2019-2023 жж. — ҚР Премьер-Министрі Кеңсесі басшысының орынбасары – ҚР Үкіметінің Парламенттегі өкілі;

  • 2023 жылғы ақпан айынан бастап ҚР Үкіметінің Парламенттегі өкілі.

Қазақстанның еңбек сіңірген қайраткері, «Құрмет»; «Парасат» ордендерінің, 10-нан астам медаль және басқа да құрметті атақтың иегері. Филология ғылымдарының кандидаты, ҚР Ұлттық Ғылым Академиясының профессоры, Халықаралық психологиялық ғылымдар академиясының академигі.

 

Лауазымдық міндеттері:

  • Парламентте Үкіметтің мүддесін білдіру және биліктің заң шығарушы тармағымен өзара сындарлы іс-қимылды қамтамасыз ету;
  • Президент, Үкімет айқындаған бағдарламалық құжаттарды заңнамалық іске асыруға қатысу және Парламентте заң жобаларының өтуін үйлестіру:

- Үкімет енгізген заң жобаларының сапалы және уақтылы өтуін қамтамасыз ету;

- Парламентте заң жобаларын қарау кезінде Мемлекеттік органдардың Үкімет регламентін сақтауын бақылау;

- заң жобалары бойынша бірыңғай ұстанымды әзірлеу бойынша Парламент Палаталарының бейінді комитеттерімен бірлескен жұмысты ұйымдастыру;

  • Премьер-Министрдің, оның орынбасарларының, Аппарат Басшысының және Үкімет мүшелерінің Парламент палаталарының пленарлық, бірлескен отырыстарына, үкіметтік сағаттар мен парламенттік тыңдауларға қатысуын ұйымдастыру:

- саяси партиялардың фракцияларымен, депутаттық топтармен, сондай-ақ бір мандатты округтер бойынша сайланған депутаттармен сындарлы өзара іс-қимылды ұйымдастыру.

  • Премьер-Министрдің, оның орынбасарларының, Үкімет Аппараты Басшысының заң шығару қызметі мәселелері жөніндегі қызметін ақпараттық-талдамалық тұрғыдан қамтамасыз етуге қатысу;
  • Депутаттық сауалдарға жауаптарды, заң жобалары бойынша Үкімет қорытындыларын сапалы және уақтылы дайындау мәселелері бойынша Мемлекеттік органдардың, Үкімет Аппараты құрылымдық бөлімшелерінің қызметіне мониторинг және бақылау жүргізу;
  • Парламенттегі Үкімет өкілдігінің қызметі бөлігінде Заңнама, қорғаныс және құқықтық тәртіп бөлімінің жұмысын үйлестіру.

Асқар Сақтағанұлы Биахметов

Үкімет Аппараты басшысының орынбасары

Асқар Сақтағанұлы Биахметов

1975 жылы Ақтөбе облысында туған. Қазақ мемлекеттік басқару академиясын «Қаржы және несие» мамандығы бойынша, ҚАЗГЗУ «Құқықтану» мамандығы бойынша, ҚР Президенті жанындағы МБА ҰМСМ магистратурасын «Саясаттану» мамандығы бойынша және Дьюк университетін бітірген.

  • 1993-2004 жж. — облыстық қаржы басқармасында, «Профилакторий» ПК, Салық комитетінде, қалалық әкімдікте, сондай-ақ Ақтөбе облысының қазынашылық және қаржы басқармаларында басшылық лауазымдарда жұмыс істеді. 

  • 2004-2009 жж. — Ақмола облысы бойынша Қазынашылық департаментінің бастығы.

  • 2009-2014 жж. — ҚР Конституциялық Кеңесі бөлімінің меңгерушісі.

  • 2014-2015 жж. — ҚР Ұлттық экономика министрлігінің Мемлекеттік басқару жүйесін дамыту департаментінің директоры. 

  • 2015-2018 жж. — Ақтөбе облысының әкімінің орынбасары.

  • 2019-2020 жж. — ҚР Премьер-Министрі бірінші орынбасарының кеңесшісі.

  • 2020-2023 жылдары — ҚР Премьер-Министрі Кеңсесі Басшысының орынбасары;

  • 2023 жылғы ақпанда ҚР Үкіметі Аппараты Басшысының орынбасары болып тағайындалды.

 

Лауазымдық міндеттері:

 

  • Президент Әкімшілігімен, Парламентпен, орталық мемлекеттік органдармен, жергілікті атқарушы органдармен құзыретіне кіретін мәселелер бойынша өзара іс-қимыл жасау;
  • Үкімет Аппаратының құрылымдық бөлімшелерінің Үкімет отырыстарына, Президент және Үкімет жанындағы консультативтік-кеңесші органдарға, Премьер-Министрдің, Премьер-Министр орынбасарларының және Үкімет Аппараты Басшысының кеңестеріне материалдар дайындау жөніндегі қызметін үйлестіру;
  • Премьер-Министрдің жол карталарын, хаттамалық және өзге де тапсырмаларын іске асырудың тиімділігін талдау жөніндегі жұмысты үйлестіру;
  • ҚР Президенті жанындағы Жаңғырту жөніндегі ұлттық комиссияның, ҚР Президенті жанындағы Реформалар жөніндегі жоғары кеңестің, Экономиканы жаңғырту жөніндегі мемлекеттік комиссияның, Республикалық бюджет комиссиясының, Экономиканы монополиясыздандыру жөніндегі комиссияның, Экономикалық саясат жөніндегі кеңестің, Отандық кәсіпкерлер кеңесінің, сондай-ақ ҚР Үкіметі жанындағы дағдарысқа қарсы шаралар жөніндегі жедел штабтың отырыстарына материалдар дайындауды үйлестіру;
  • Мемлекеттік жоспарлау жүйесінің, Тұрақты даму мақсаттарының құжаттарын әзірлеу мен іске асыруды үйлестіру;
  • Премьер-Министрдің елдің әлеуметтік-экономикалық дамуы мәселелері жөніндегі қызметін салааралық үйлестіру және ақпараттық-талдамалық тұрғыдан қамтамасыз ету;
  • Мемлекет басшысы мен Премьер-Министрдің тапсырмаларынан туындайтын өзекті проблемалық және өзге де мәселелер бойынша кеңестер өткізу;
  • құзыретіне кіретін мәселелер бойынша Экономикалық бөлімнің жұмысын үйлестіру.

Саян Сансызбайұлы Құттыбаев

Үкімет Аппараты басшысының орынбасары

Саян Сансызбайұлы Құттыбаев

1986 жылы Қызылорда қаласында дүниеге келген.

Республикалық мамандандырылған дарынды балаларға арналған физика-математика орта мектеп-интернатын, Қазақстандық менеджмент, экономика және болжау институтын халықаралық қатынастар мамандығы бойынша бітірген, Mancosa бизнес мектебінде МВА дәрежесін алған.

Еңбек жолын 2008 жылы бастады. Халықаралық (ABN AMRO, Royal Bank of Scotland, HSBC) және қазақстандық екінші деңгейдегі банктерде әр түрлі қызметтерді атқарған.

  • 2012 жылдан бастап ҚР Сыртқы істер министрлігі Сыртқы экономикалық саясат департаментінің үшінші хатшысы болған.

  • 2014-2019 жж. Қазақстанның Финляндия Республикасындағы Елшілігінің екінші хатшысы, Сыртқы талдау және болжау департаментінің екінші хатшысы және ҚР СІМ Еуразиялық интеграция департаментінің бірінші хатшысы болып жұмыс істеген.

  • 2019 жылы — ҚР Премьер-Министрінің Кеңсесі басшысының кеңесшісі.

  • 2020-2021 жж. — ҚР Премьер-Министрі Кеңсесінің Сыртқы экономикалық ынтымақтастық және протокол бөлімі меңгерушісінің орынбасары.

  • 2021-2022 жж. — ҚР Премьер-Министрі Кеңсесінің Сыртқы экономикалық ынтымақтастық және протокол бөлімінің меңгерушісі.

  • 2022-2023 жж. — ҚР Премьер-Министрі Кеңсесі басшысының орынбасары.

  • 2023 жылғы 7 ақпанда ҚР Үкімет Аппараты басшысының орынбасары болып тағайындалды.


 

Лауазымдық міндеттері:

  • Премьер-Министрдің қызметін ақпараттық-талдамалық тұрғыдан қамтамасыз ету мәселелері;

  • сыртқы саясаттың, сыртқы экономикалық саланың өзекті мәселелері, елдегі және әлемдегі тенденциялар туралы талдамалық материалдар дайындауды үйлестіру;

  • Премьер-Министрді жұмыс сапарлары мен іскерлік кездесулерге, оның ішінде шетелдік тұлғалармен  кездесулерге ақпараттық-анықтамалық материалдармен қамтамасыз ету;

  • Премьер-Министрдің ресми сапарлары мен халықаралық телефонмен сөйлесулерін мазмұндық толықтыру бойынша шетелдік үкіметтер мен шетелдік компаниялардың өкілдерімен өзара іс-қимылды қамтамасыз ету;

  • Президент Әкімшілігімен өзара іс-қимылды қамтамасыз ету, сондай-ақ Премьер-Министрдің халықаралық кездесулері мен сапарларын дайындау бөлігінде орталық және жергілікті атқарушы органдардың қызметін үйлестіру;

  • «Kazakh Invest» Ұлттық компаниясы» акционерлік қоғамының директорлар кеңесі қызметінің мәселелері бойынша Үкімет Аппаратының құрылымдық бөлімшелерінің жұмысын үйлестіру;

  • Сыртқы экономикалық ынтымақтастық бөлігінде Үкімет Аппаратының құрылымдық бөлімшелерінің жұмысын үйлестіру.

Жаңалықтар тізбегі

Тамара Дүйсенова «Ауыл аманаты» жобасы туралы: Ауыл тұрғындарының тұрмысын жақсарту – басты мақсат

ҚР Парламенті Мәжілісінде «AMANAT» партиясы фракциясының кеңейтілген отырысы өтті. Оған партия төрағасы Ерлан Қошанов, ҚР Премьер-Министрінің орынбасары Тамара Дүйсенова, ауыл шаруашылығы министрі Айдарбек Сапаров, салалық ведомство басшылары қатысты. Жиында «Ауыл аманаты» жобасын жүзеге асыру мәселесі қарастырылды. Вице-премьер Тамара Дүйсенова ауыл тұрғындарының табысын арттыруға бағытталған бағдарламаның тиімділігін арттыру шеңберінде атқарылып жатқан шаралар туралы айтты.

Үкіметте жер қатынастары саласында бірқатар кешенді тәсіл мен жүйелі шара әзірленіп жатыр

Жұмысты қайта форматтау және өңірлердегі халықты жайылымдармен қамтамасыз ету – Пайдаланылмай жатқан және заң бұзушылықпен берілген жерлерді қайтару жөніндегі комиссияның алдында 2024 жылға осындай міндет тұр. Вице-премьер С. Жұманғариннің төрағалығымен өткен комиссияның кезекті отырысында осы бағытта не істелгені, сондай-ақ жоспарлар талқыланды.

Үкімет отырысының қорытындысы бойынша брифинг: «Ауылда денсаулық сақтауды жаңғырту» ұлттық жобасын іске асыру барысы және Астана агломерациясын дамытудың 2024-2028 жылдарға арналған кешенді жоспары

Үкімет үйінің баспасөз орталығында Үкімет отырысының қорытындысы бойынша брифинг өтті. Оған денсаулық сақтау министрі Ақмарал Әлназарова, Астана қаласының әкімі Жеңіс Қасымбек пен Ақмола облысының әкімі Марат Ахметжанов қатысты.

2029 жылға қарай Астана агломерациясында 3 мыңнан астам жұмыс орны ашылады

ҚР Премьер-Министрі Олжас Бектеновтың төрағалығымен өткен Үкімет отырысында Астана агломерациясын дамытудың 2024-2028 жылдарға арналған кешенді жоспары қаралып, бекітілді. Тақырып аясында Премьер-Министрдің орынбасары – ұлттық экономика министрі Нұрлан Байбазаров, Ақмола облысының әкімі Марат Ахметжанов және Астана қаласының әкімі Жеңіс Қасымбек баяндама жасады.

Су ресурстары және ирригация министрлігі тасымалдау кезіндегі су шығынын 25%-ға азайтуды жоспарлап отыр – Нұржан Нұржігітов

Астанада су технологиялары мен ресурстары бойынша I халықаралық «Global water» форумы өтті. Су ресурстары және ирригация министрлігінің қолдауымен ұйымдастырылған ісшараға ҚР Президентінің кеңесшісі Қанат Бозымбаев, Delivery Unit кеңсесінің су ресурстары блогының басшысы Арман Тұрлыбек, сондай-ақ бейінді мемлекеттік органдардың, бизнестің, ғылыми және қоғамдық ұйымдардың өкілдері, Австрия, Израиль, Финляндия, Франция және басқа мемлекеттердің су саласындағы жетекші сарапшылары қатысты.

Әрі қарай
Үкімет қаулылары

Қазақстан Республикасы Үкіметінің 2024 жылғы 22 ақпандағы №118 қаулысы

Қазақстан Республикасы Үкіметінің 2024 жылғы 21 ақпандағы №111 қаулысы

Қазақстан Республикасы Үкіметінің 2024 жылғы 20 ақпандағы №102 қаулысы

Қазақстан Республикасы Үкіметінің 2024 жылғы 19 ақпандағы №99 қаулысы

Қазақстан Республикасы Үкіметінің 2024 жылғы 16 ақпандағы №97 қаулысы

Қазақстан Республикасы Үкіметінің 2024 жылғы 12 қаңтардағы №80 қаулысы

Қазақстан Республикасы Үкіметінің 2024 жылғы 11 қаңтардағы №4 қаулысы

Қазақстан Республикасы Үкіметінің 2024 жылғы 18 қаңтардағы №16 қаулысы

Қазақстан Республикасы Үкіметінің 2024 жылғы 31 қаңтардағы №53 қаулысы

Қазақстан Республикасы Үкіметінің 2024 жылғы 29 қаңтардағы №45 қаулысы

Қазақстан Республикасы Үкіметінің 2024 жылғы 29 қаңтардағы №44 қаулысы

Қазақстан Республикасы Үкіметінің 2024 жылғы 25 қаңтардағы №35 қаулысы

Қазақстан Республикасы Үкіметінің 2024 жылғы 25 қаңтардағы №34 қаулысы

Қазақстан Республикасы Үкіметінің 2024 жылғы 25 қаңтардағы №33 қаулысы

Қазақстан Республикасы Үкіметінің 2024 жылғы 24 қаңтардағы №30 қаулысы

Қазақстан Республикасы Үкіметінің 2024 жылғы 24 қаңтардағы №29 қаулысы

Қазақстан Республикасы Үкіметінің 2024 жылғы 23 қаңтардағы №22 қаулысы

Қазақстан Республикасы Үкіметінің 2023 жылғы 26 желтоқсандағы №1185 қаулысы

Қазақстан Республикасы Үкіметінің 2024 жылғы 18 қаңтардағы №18 қаулысы

Қазақстан Республикасы Үкіметінің 2024 жылғы 17 қаңтардағы №12 қаулысы

Қазақстан Республикасы Үкіметінің 2024 жылғы 17 қаңтардағы №10 қаулысы

Қазақстан Республикасы Үкіметінің 2024 жылғы 19 қаңтардағы №20 қаулысы

Қазақстан Республикасы Үкіметінің 2024 жылғы 15 қаңтардағы №7 қаулысы

Қазақстан Республикасы Үкіметінің 2024 жылғы 12 қаңтардағы №5 қаулысы

Қазақстан Республикасы Үкіметінің 2023 жылғы 29 желтоқсандағы №1248 қаулысы

Қазақстан Республикасы Үкіметінің 2023 жылғы 29 желтоқсандағы №1240 қаулысы

Қазақстан Республикасы Үкіметінің 2023 жылғы 29 желтоқсандағы №1246 қаулысы

Қазақстан Республикасы Үкіметінің 2023 жылғы 28 желтоқсандағы №1224 қаулысы

Қазақстан Республикасы Үкіметінің 2023 жылғы 25 желтоқсандағы №1177 қаулысы

Қазақстан Республикасы Үкіметінің 2023 жылғы 25 желтоқсандағы №1179 қаулысы